Fut­bol bo­ýun­ça Türk­me­nis­ta­nyň mil­li çem­pio­na­tyn­da möw­sü­miň ta­mam­lan­ma­gy­na 3 tap­gyr ga­lan­da “Al­tyn asyr” to­pa­ry bas­syr 6-njy çem­pi­on­ly­gy­ny yg­lan et­di. Paý­tagt­ly fut­bol­çy­lar 25-nji tap­gy­ryň çäk­le­rin­de myh­man­çy­lyk­da 2-nji ha­tar­da bar­ýan “Şa­ga­dam” bi­len du­şuş­dy. Oýun 2–1 ha­sa­byn­da “Al­tyn asyr” to­pa­ry­nyň peý­da­sy­na ta­mam­lan­dy. 20-nji mi­nut­da ýer eýe­le­ri Baý­ram­gel­di Nur­ly­ýe­wiň go­ly bi­len öňe saý­lan­dy. Ýö­ne myh­man­la­ryň jo­ga­by gi­jik­me­di. 2 mi­nut­dan soň, Al­ty­my­rat An­na­dur­dy­ýew ha­sa­by deň­le­me­gi ba­şar­dy. “Al­tyn asy­ra” ýe­ňiş, hat­da çem­pi­on­lyk ge­ti­ren go­ly bol­sa, 86-njy mi­nut­da Bag­ty­ýar Ho­ja­ah­me­dow ge­çi­rip, ol to­py ýal­ňyş­lyk bi­len öz der­we­ze­si­ne gi­riz­di. Şun­luk­da, 2–1 ha­sa­byn­da ýe­ňiş ga­za­nan “Al­tyn asyr” 6-njy ge­zek çem­pi­on di­ýen ady eýe­läp, bu ugur­da “Kö­pet­dag” to­pa­ry bi­len deň­leş­di. Ara­gat­na­şyk­çy­la­ryň yz­ly-yzy­na 6-njy sa­par çem­pi­on bol­ma­gy bol­sa, ýur­dumy­zyň tä­ze re­kor­dy diý­mek­dir (2014, 2015, 2016, 2017, 2018, 2019). “Al­tyn asyr” bu ugur­da yz­ly-yzy­na 5 ge­zek çem­pi­on bo­lan “Kö­pet­da­g” toparynyň re­kor­dy­ny tä­ze­le­me­gi ba­şar­dy.
Şeý­le-de 25-nji tap­gyr­da “Ener­ge­tik” bi­len “Ahal” deň­me-deň oý­na­dy (1–1; Ser­dar An­na­mäm­me­dow 59 — Be­genç Tem­ri­ýew 85 ö.d.). “Ne­bit­çi” bol­sa, ga­ra­şyl­ma­dyk ýag­daý­da myh­man­çy­lyk­da “Kö­pet­dag­dan” Far­hat Ital­ma­zo­wyň ýe­ke-täk go­ly bi­len 1–0 üs­tün çyk­dy. Paý­tag­tyň ady­bir to­pa­ry “Aş­ga­bat” myh­man­çy­lyk­da “Merw­i” 3–2 hasabynda ýeňlişe sezewar etdi. Ýe­ňiş ga­za­nan to­pa­ryň gol­la­ry­ny Gah­ry­man­ber­di Çoň­ka­ýew (25), We­kil Ka­dy­row (35), My­rat­gel­di Gur­ban­gel­di­ýew (87) ge­çi­ren bol­sa, ýer eýe­le­ri­nden Döw­let Baý­ra­mow (66) bi­len Ýew­ge­niý Tka­çen­ko (90+4) ta­pa­wut­lan­dy. 23-nji tap­gy­ryň gal­dy­ry­lan oý­nun­da “Ahal” öz meý­dan­ça­syn­da “Al­tyn asyr­dan” 3–1 üs­tün çyk­dy. Oýun­da “Aha­lyň” gol­la­ry­ny Pir­my­rat Ga­za­kow (2), Di­dar Dur­dy­ýew (20), Gur­ban An­na­ýew (48), “Al­tyn asy­ryň” go­lu­ny bol­sa, My­rat An­na­ýew (86 p) der­we­zä gi­riz­di.
Ikin­ji ýer ug­run­da “Şa­ga­dam” bi­len “Aha­lyň” ara­syn­da ýi­ti gö­reş bo­lup, şol nuk­daý­na­zar­dan şu gün­ki iki to­pa­ryň öza­ra du­şu­şy­gy­nyň äh­mi­ýe­ti diý­seň ulu­dyr.

Gyzykly bolup bilerЕЩЕ ОТ АВТОРА